சுழலும் இந்த வாழ்வு

சுழலும் இந்த வாழ்வு

உலகம் பழையதாகிக் கொண்டிருக்கிறததோ

புதியதாகிக் கொண்டிருக்கிறதோ

உலகைப் பார்த்தால் எதுவும் தெரிகிறதோ

அது அதுவாக இயங்கிக் கொண்டிருக்கிறது

வெறுமனே நாம் இருந்தாலும்

உலகம் ஏனோ சுழன்று கொண்டிருக்கிறது

பருவம் தப்பிப் பொழியும் மழைக்காக என்ன செய்வது

நீளும் கொடையைத்தான் என்ன செய்வது

திடீரென ஒரு நாள் பெய்யும் பனி

நண்பகலின் உக்கிர வெயிலுக்கு அறிகுறி

வகுக்கப்படும் சீரிசை விதிகள் தகர்க்கப்படும் போது

புதுப்புது சீரிசை விதிகள் உண்டாகும்

அறிதலுக்குப் பின் எந்த விதியும் நிலைப்பதேது

விதிகளை அறிவதிலோ அறியாமல் இருப்பதிலோ

கண்டு கொள்ளாமல் சுழலும் இந்த வாழ்வு

*****