ஆம்பளை பொம்பளை
தாலி கட்டினால் பிள்ளை பிறக்கும் என்றிருந்தவளைப்
புணர்ந்தால்தான் பிள்ளை பிறக்கும் என்று
தேற்றினாய்
பிறிதொரு இரவில் பிள்ளை வேண்டும் என்றவளிடம்
ஒன்றுக்கு மேல் கூடாது என்று கண்டிப்பு
காட்டினாய்
போதும் பிள்ளை என்றிருக்க செய்தவளை
விடுத்து
பிறிதொருத்தியைக் கர்ப்பமாக்கித் தலைமறைவானாய்
கண்டுபிடிக்க முடியாத காலம் முழுவதும்
கண்டபடி புணர்ந்தபடி வாழ்ந்திருக்கிறாய்
இப்போதும் உனக்காக வீடடைந்து கிடப்பவளை
அதற்கு மேல் புணரக் கூடாது என்பதற்கு
என்ன மாய மந்திரம் போட்டாய்
என்பதை மட்டும் உரக்க சொல்லி விடு
என்ற போது
நாம் ஆம்பளை என்றாய்
அவள் பொம்பளை என்றாய்
*****
No comments:
Post a Comment