பெரும்பூதங்களும் சிறுபூதங்களும்

பெரும்பூதங்களும் சிறுபூதங்களும்

வானும் பூமியும் பெரும்பூதங்கள்

நீரும் காற்றும் நெருப்பும் சிறுபூதங்கள்

பெரும்பூதங்கள் சிறுபூதங்களை ஆட்டிப் படைக்கும்

நீரை ஆவியாக்கி இழுக்கும்

காற்றை அசைவித்து ஆட வைக்கும்

நெருப்பு அவற்றுக்கெல்லாம் துணை போக நேரிடும்

ஒரு நாள் சிறுபூதங்கள்

பெரும்பூதங்களை ஆட்டிப் படைக்கும்

வானை மின்னலாய்க் கிழித்து

அதன் காதுகளின் செவிகளை இடியிடியென இடித்து

பூமியைப் புயலாய்ச் சுற்றி

பூகம்பமாய்ப் புரளச் செய்து

பெரும்பூதங்கள் மாறாமல் இருக்கலாம்

சிறுபூதங்கள் மாற வைக்கும் மாற்றி வைக்கும்

பெரும்பூதங்களை மிரள வைக்கும்

சிறுதுரும்பு போதும் சிறுபூதங்களுக்கு

சின்னஞ்சிறியதொரு கிருமி போதும்

மனித இனத்தை ஆட்டி வைக்கவும்

சிறுபூதங்கள் நினைத்தால் எதையும் படைக்கும்

எதையும் உடைக்கும்

ஏனென்றால் அவை சிறுபூதங்கள்

பெரும்பூதங்கள் கட்டுபட்டே ஆக வேண்டும்

*****