அக்கறையாளனின் ரகசியம்

அக்கறையாளனின் ரகசியம்

ஆவி பிடி என்கிறாய்

சத்தான உணவு சாப்பிடு என்கிறாய்

மூலிகைகளை மொத்தமாய்

அரைத்துக் குடிப்பதைப் போல

தினம் தினம்

மூலிகைக் குறிப்புகள் சொல்கிறாய்

வெளியில் போக வேண்டாம் என்கிறாய்

தொட்டுப் பேசாதே என்கிறாய்

மணிக்கொருமுறை கையைக் கழுவு என்கிறாய்

நாளுக்கு இரு முறை குளி என்கிறாய்

நீ மட்டும் யாருக்கும் தெரியாமல்

சந்துத்தெரு வீட்டுக்குப் போய் வருவது

யாருக்கும் தெரியாது என்றா நினைக்கிறாய்

*****