கால் மரத்துப் போன நீர்
விடுவிக்கும் ஏதோ ஒன்று
இந்தப் பேச்சில் இருக்கலாம்
இந்த எழுத்தில் இருக்கலாம்
பேசிக் கொண்டே இருப்பதும்
எழுதிக் கொண்டே இருப்பதும்
ஆசைப்பட்டு அடைந்து விட்ட வாழ்வின்
விடுபடுதலுக்காக எனும் போது
அடைய ஆசை கொள்ளாத வாழ்வில்
பேச்சுமில்லை
எழுத்துமில்லை
அழகிய மெளனம் உறைந்து கிடக்கிறது
ஓடாத நீரின் பனிக்கட்டியைப் போல
*****
விடுபடல்
சில
நொடிகளில்
சிக்கலான
நூல்கண்டு
பல
மணி நேரமாக
விடுபட்டுக்
கொண்டிருக்கிறது.
*****
No comments:
Post a Comment