அதுவாக வர வேண்டும்
அதற்குள் அவசரப்படுவதற்கு இல்லை
இந்த அவசரம்
பொறுமையாக நீண்டால் நன்றாயிருக்கும்
மனதைப் பிரித்துப் போடுவது அற்புதமானது
பீராய்ந்து பார்ப்பது இன்னும் அற்புதமானது
அபத்த நாடகங்களின் சிரிப்போலி
கேட்டுக் கொண்டேயிருக்கிறது
*****
பால்யம்
ஏப்பம் வந்து விட்டது
நேற்று சாப்பிட்ட
ஸ்ட்ராபெர்ரி மிட்டாயின் வாசனை
*****
அழித்தொழிப்பு
கடவுள் இருக்கிறாரா இல்லையா
இல்லாவிட்டாலும்
தான் உருவாக்கிய கடவுளை
தாமே அழித்து விட மாட்டார் மனிதர்
*****
குணபாடம்
சாத்தானிடம் உள்ள கெட்ட குணம்
இறைவன் மன்னித்தாலும்
சாத்தான் தண்டிப்பார்
இறைவனிடம் உள்ள நல்ல குணம்
சாத்தான் தண்டித்தாலும்
இறைவன் மன்னிப்பார்
தண்டிப்பவர்கள் சாத்தான்கள்
மன்னிப்பவர்கள் இறைவன்கள்
*****
No comments:
Post a Comment