மேலும் மேலும் அவர் சொன்னார்
வளர்க்கும் பறவைக்கு
வாடகைக் கூடு இருப்பதாகச் சொன்னவரை
ஆச்சரியமாகப் பார்த்தேன்
கிராமத்துக் கூட்டின் வாடகை கம்மி
நகரத்துக் கூட்டின் வாடகை அதிகம் என்றார்
என் பறவைக்குக் கூடு கட்டத் தெரியும் என்ற போது
கூடு கட்ட லோன் வாங்கிக் கொள்ளலாம் என்றார்
என் பறவைக்குக் கூடே வேண்டாம் என்ற போது
பறவை வளர்ப்பதற்கு வரி கட்ட வேண்டும் என்றார்
எங்கள் இணையதளத்தில்
விண்ணப்பக் கட்டணம் கொடுத்து
பதிவு செய்து கொண்டால்
பத்து விழுக்காடு வரி விலக்கு உண்டு என்று
மேலும் அவர் சொன்னார்
*****
No comments:
Post a Comment