மெல்லிசைப் பாடலின் வேதனை
இரவுக்கு மெல்லிசைப் பாட்டின் துணை வேண்டியிருக்கிறது
தூங்கும் வரை ஒலிக்கப்பட்டு
தூங்கிய பின் அணைக்க
இரவுக்கு யாராவது இருந்தால்
இந்த இரவு இனிய இரவாக இருக்கும்
தனிமை இரவுக்கு அது சாத்தியமா என்ன
இரவு முழுவதும் வழியும் மெல்லிசைப் பாடல்கள்
கசிந்து ஓடிக் கொண்டிருக்கின்றன
கனவுகள் ரத்தம் தெறிக்க ஒளிபரப்பாகின்றன
அதிகாலையில் அதற்கு மேல் துணை வராத
தூக்கத்தைத் துடைத்தெறிந்து விட்டு
மெல்லிசைப் பாடலை நிறுத்தும் போது
அது அழுகிறது
இரவு முழுவதும் ஒலித்த வேதனை
அதற்கு இருக்கிறது
*****
No comments:
Post a Comment