மனிதர்களைக் கொன்று விடாதீர்கள்

 மனிதர்களைக் கொன்று விடாதீர்கள்

மனிதர்களைக் கொன்று விடாதீர்கள்

இதயம் நான்கு லட்சம்

நுரையீரல் இரண்டு லட்சம்

சிறுநீரகம் மூன்று லட்சம்

கல்லீரல் ஒன்றரை லட்சம்

கண்கள் ஒரு லட்சம்

தோல் இரண்டரை லட்சம்

லட்சங்களைச் சுரண்டி எடுப்பதற்கு முன்

மனிதர்களைக் கொன்று விடாதீர்கள்

சுரண்டி எடுத்த பின்

எவரையும் உயிரோடு வைக்காதீர்கள்

உறுப்புகளின் சந்தை மாநாடு

இரத்த நிறத்தில் ஒரு திரவம் பருகியபடி

மீண்டும் உரத்து சொல்லியபடி நிறைவு பெறுகிறது

மனிதர்களைக் கொன்று விடாதீர்கள்

மறுநாள் ஊடகங்கள் அலறுகின்றன

விசும்பல்களைப் புறந்தள்ளியபடி

மனிதர்களைக் கொன்று விடாதீர்கள்

*****