நம்புவதற்கு நாள்கள் ஆகும்

நம்புவதற்கு நாள்கள் ஆகும்

ஒன்றைச் சிந்தியுங்கள்

அதை உங்களால் செய்ய முடிகிறதா

அவ்வளவு தடைகளை உருவாக்குவார்கள்

அவர்களிடம் அவைகளைச் சொல்லித்தான் ஆக வேண்டும்

சொல்லாமல் இருப்பது சிரமம் மற்றும் சாத்தியமற்றது

மனித வாழ்க்கைக்கு இவ்வளவு எல்லாம் தேவையேயில்லை

யார் கேட்பார்கள்

ஆசைபடுவதும் துன்பத்தை அனுபவிப்பதும்

பழகி விட்ட போதை வஸ்து

அவரவர் மனதை அவரவர் கோணத்தில்

திருப்தி செய்த கோணல்காரர்கள்

கோமாளி வேஷம் போட்டுக் கொண்டு அலைகிறார்கள்

விண்ணப்ப கவலைகள் ஓராயிரம்

படாத பாடு படுவதை நினைக்கும் போது வேதனை

இப்படி ஏன் வருத்துகிறார்கள் என்பது புரியாத புதிர்

அதில் நிச்சயமற்ற தன்மை நிச்சயம் இருக்கும்

எதுவும் நடக்கும் மனநிலையை இழந்து விடுவீர்கள்

நம்பிக்கையற்ற மனநிலையில் இருப்பதால்

எல்லாமும் எதிர்மறையாகவே தோன்றும்

கோபம் விரக்தி எரிச்சல் மன உளைச்சல்

எது பிடித்ததோ அந்த கேக்கை எடுத்து உண்ணத் தொடங்குங்கள்

சில நேரங்களில் யோசித்த படியே உட்கார்ந்து விடுங்கள்

யோசனை முழுவதும் எதிர்மறை விஷமாகும் போது

சிந்தனை துடிதுடித்துச் சாவதை கண்டு ரசியுங்கள்

 நிகழ்பவை எல்லாம் கடுமையான மனநிலை பாதிப்புகளை

ஏற்படுத்த அனுமதியுங்கள்

மனநல மருத்துவமனைக்கு ஒரு டோக்கன் ரிசர்வ் செய்யுங்கள்

எதையும் சொல்ல முடியவில்லை என்பது புரிகிறது

எல்லாவற்றையும் குழப்பி விட்டு

நன்றாக நடப்பதையும் நடக்க விடாமல் செய்து விடுபவர்கள்

வந்து ஒப்பாரி வைப்பார்கள்

அவர்களிடம் எந்த வேலையையும் ஒப்படைக்கக் கூடாது

என்று நினைக்கலாம்

மறுபடியும் வேலை அவர்களிடமே செல்லலாம்

அவர்களை நம்பி காரியத்தில் இறங்கி

சின்னாபின்னமாக நீங்கள் தயாராக இல்லாமல் இருக்கலாம்

அலங்கமலங்க அடிக்கப்படுவதை எப்படித் தடுப்பீர்கள்

வாங்குவதோ விற்பதோ ஒரு பிரச்சனை இல்லை

அரை மெண்டல்களிடம் என்ன வியாபாரம் செய்வீர்கள்

உங்கள் எழுத்துகள் புரியாத லிபியில் போய்க் கொண்டிருக்கும்

எல்லாம் ஒரு விளையாட்டுதான் என்று தெளிந்தால் தப்பிப்பீர்கள்

எதையும் சீரியஸாக எடுத்துக் கொள்ளக் கூடாது

என்று நினைப்பது பெரிதில்லை

அதுவும் நல்ல ஒரு மனநிலைதான்

ஆனால் அப்படி இருக்க முடியுமா என்ன

மனம் அடிக்கடி மாறி விடும்

நிலைமை எப்போதும் சிக்கல்தான்

இன்னும் கொஞ்சம் பொறுத்திருந்தால் லாபம்

நீங்கள் அவசரப்படுத்தப்படுவீர்கள்

பின்னுக்கு இழுக்கும் ஒரு வேலையைச் செய்ய

ஒரு கூட்டமே காத்திருக்கிறது

திரும்ப திரும்ப நிராகரிப்புக்கு உள்ளாவீர்கள்

அது குறித்து முறைப்படி கேள்வி எழுப்ப வேண்டும் முடியுமா

உங்களுக்கு வாய்த்தது எதை எதிர்பார்க்கிறது என்பதைப் புரிவதற்குள்

காலம் கடந்து விடும் ஐயோ பாவம் நீங்கள்

ஒரு விதத்தில் யோசித்துப் பார்த்தால்

எதுவும் தவறாகச் செல்லவில்லை

எல்லாம் சரியாகத்தான் சென்று கொண்டிருக்கிறது

ஆனால்  மாற்ற நினைப்பதால் பிரச்சனை ஆகிறது என்று புலம்ப முடியுமா

இந்த உலகத்தில் எந்த மனிதரை மாற்ற முடியும்

ஒவ்வொன்றும் ஒவ்வொரு வகை கல்லூளிமங்கர்கள்.

ஒரு பெரிய பிரச்சனை என்னவென்றால்

மனதை நியாயப்படுத்திக் கொள்வது

அது அவ்வளவு மலிவானதா

அவர்கள் அப்படித்தான்

ஏனென்றால் ஒவ்வொருவரும் ஒவ்வொரு கிரகத்திலிருந்து வந்தவர்கள்

யாரிடமும் எந்தவித நியாயத்தையும் எதிர்பார்க்க மாட்டீர்கள்

மனிதர்களிடம் ஒரு நியாயத்தை எதிர்பார்ப்பது

மன உளைச்சல் என்றால் நம்புவதற்கு நாளாகும்

*****