ஆய கலையின் அறுபத்து ஐந்தாவது கலை

ஆய கலையின் அறுபத்து ஐந்தாவது கலை

நேக்காக நடந்து கொண்டு காரியம் செய்து கொள்ள வேண்டும்

அந்த எல்லையில் நின்று கொண்டு

அப்படியே போய் கொண்டு இருக்க வேண்டும்

தேவையில்லாமல் மீறி முற்படக் கூடாது

ஆபத்துகள்தான் விளையும்

நைசாகக் காரியம் சாதிக்க வேண்டும்

அந்த காரியத்தையே மீண்டும்

கனவிலும் நினைத்துப் பார்க்கக் கூடாது

எந்தத் தீமையிலும் எந்த கஷ்டத்திலும் ஒரு நன்மை உண்டு

கவனிக்கத் தவறி விடக் கூடாது

அதற்காக தீமைகளையும் கஷ்டங்களையும்

தேடி வைத்துக் கொள்ளக் கூடாது

எல்லாரிடமும் எல்லா காரியங்களையும்

சாதித்து விட முடியாது

சாதிக்க முயன்றவர்களிடம் சாதித்துக் கொண்டு 

சாதிக்க இயலாதவர்களிடம் ஜகா வாங்கிக் கொள்ள வேண்டும்

எல்லாவற்றிலும் நைசானத் தன்மையே நல்லது

எதில் வருகிறதோ அதை மட்டும் செய்து கொண்டு

அத்தோடு நின்று கொள்ள வேண்டும்

அதுதான் நமக்கு நல்லது கெளரவம் நிம்மதி

எல்லாவற்றிலும் வழுக்கினாற்போல்தான் போக வேண்டும்

முடிந்த முடிவாகப் பேசுவது பேசுபவருக்கே ஆபத்து

தப்பித்துக் கொள்வது எல்லாரும் நினைப்பது போல

அவ்வளவு எளிய கலை அன்று

*****