ஒரு நூறு சுடுகாடுகள்

 ஒரு நூறு சுடுகாடுகள்

வரியாக செலுத்தியது போக

லஞ்சமாக கொடுத்தது போக

அபராதமாக அழுதது போக

வட்டிக்குக் கட்டி வதியழிந்தது போக

பெட்ரோல் டீசல் போட்டது போக

துரு பிடித்து உதிர்ந்து போன தகரத்தைப் போல

நிற்குமிந்த வாழ்வில்

கழுத்துக்கு கயிறு

விஷத்துக்கு வயிறு

குதிப்பதற்கு மாடி

படுப்பதற்கு தண்டவாள வசதிகள் நிரம்பவே இருக்கின்றன

செத்தபின் செலவில்லாமல் போக

அமரர் ஊர்திகள் அங்கங்கே அலைந்து கொண்டிருக்கின்றன

சவம் இல்லாத ஊருக்கு நூறு சுடுகாடுகள்

*****