தற்கொலை எனப் பேசாதிருப்பதாக

தற்கொலை எனப் பேசாதிருப்பதாக

இது அவர்களுக்காக மேற்கொள்ளப்பட்ட மரணம்

அவர்கள் இதை உணர்ந்து கொள்ள வேண்டும்

என்பதற்காக நிகழ்த்தப்பட்ட மரணம்

நிச்சயமாக தமக்காக அன்றி

முழுக்க முழுக்க அவர்களுக்காக

அந்த ஒரு நொடியில் அவசரம் அவசரமாக

செய்து கொள்ளப்பட்ட மரணம்

துளியும் அவருக்காக இல்லாத மரணம்

இறந்தது மட்டும்தான் அவர்

ஆனால் அது அவர்களுக்காக புனையப்பட்ட மரணம்

அவர்கள் அதை அறிந்து கொண்டார்களா என்பது

அவரின் ஆத்மா அறியாது இருக்கட்டும்

ஆகையால் அதை தற்கொலை எனப் பேசாதிருப்பீர்களாக

மற்றும் பேசாதிருப்பார்களாக

*****