விதிகளின் சிரிப்பு

விதிகளின் சிரிப்பு

விதிகளோடு வாழ யாருக்குப் பிடிக்கும்

தலைவிதியென வாழ்வதில்

யாருக்கு என்ன மறுபரிசீலனை இருக்கும்

அச்சத்தை உருவாக்கும் விதிகளுக்கு

இந்த விதி பொருந்தாது

உயிரச்சத்தை உருவாக்கும் விதிகளுக்கு

இந்த விதி அறவே பொருந்தாது

விதிகளை உருவாக்கும் போது

ஓர் அச்சம் விதைக்கப்படுகிறது

அவ்விதி எதிர்க்கப்படும் எனும் விதி இருந்தால்

உயிரச்சம் மறுபடியும் விதைக்கப்படுகிறது

விதைக்கப்பட்ட விதிகள் தூவப்படுகின்றன

அவைகள் முளைத்தெழுகின்றன

தலைவிதியென வாழ்கிறார்கள் மனிதர்கள்

ஆதியில் அப்படி விதி இருந்ததாக பேசித் திரிகிறார்கள்

விதிகள் சிரித்துக் கொள்கின்றன ரகசியமாய்

*****