மழையை உருவாக்கும் வேலை

மழையை உருவாக்கும் வேலை

பொதுவாகப் பொழிந்த மழை

கடலில் கொஞ்சம் நிலத்தில் கொஞ்சம்

மலையில் கொஞ்சம் பொழிந்தது

மலையில் பொழிந்த மழையை

மனிதர்கள் எடுத்துக் கொண்டார்கள்

அணைக்கட்டில் அடைத்துக் கொண்டு

அதற்காக அவர்களை அவர்களே அடித்துக் கொண்டார்கள்

நிலத்தில் பொழிந்த மழையை

வெள்ளம் வந்ததென விரட்டி விட்டார்கள்

கடலில் பொழிந்த மழைக்கு இதெல்லாம் தெரியாது

மறுமுறை நிலத்திலோ மலையிலோ பொழியும் போது

காண்பதெல்லாம் கடலாக இருக்கும்

என்று நினைத்துக் கொள்ளும்

கடலை உருவாக்குவது மழைக்குப் பெரிய வேலை இல்லை

மழையை உருவாக்குவது மனிதர்க்குப் பெரிய வேலை

*****