எங்கேயும் கிறுக்காத கவிதைகள்

எங்கேயும் கிறுக்காத கவிதைகள்

அப்போது நான் நான்கு கவிதைகளை நினைத்திருந்தேன்

எழுதுவதற்கு காகிதமில்லை

குறித்து வைக்க அலைபேசி இல்லை

எப்படியோ இரண்டு கவிதைகள்

காற்றில் மாயமானது

மீதி இரண்டு கவிதைகளை

நீண்ட நேரம் உரு போட்டுக் கொண்டிருந்தேன்

மீண்டும் மீண்டும் சொல்வது

மறந்து போகும் என்பதை நம்புவீர்களா

அப்படித்தான் ஆனது மீதி கவிதைகளும்

நான்கு கவிதைகளின் போஸ்ட் மார்ட ரிப்போர்ட்டை

எழுத வேண்டும் மரண அவஸ்தை

கவிதையைக் கிடைத்த இடத்தில் கிறுக்கித் தொலைத்திருக்கலாம்

*****