தண்ணீர் புராணம்

 தண்ணீர் புராணம்

வறண்ட தொண்டைக்குள் சென்ற நீர்

விக்கல் தீர்க்கவில்லை

கர்நாடகக்காரன் தந்த

காவிரி நீராகத்தான் இருக்கும் என்கிறாள் பெரியாச்சி

நான் தந்த மழைக்கு யார் உரிமை கொள்வது என்று

சண்டை பிடிக்கிறாள் மாரியம்மா

பொன்னியம்மன் கோயிலில் கஞ்சி வாங்கிக் குடித்தவர்கள்

பெட்டிக் கடையில் மினரல் வாட்டர்

வாங்கிக் குடிக்கிறார்கள் ஏதேதோ பேர் சொல்லியபடி

நாலு மைல் தூரம் நடந்து சென்று

தண்ணீர் தூக்கி வரும் கருத்தம்மாவுக்கு

இதெல்லாம் தெரியாது

கையில் காசிருந்தால் வாட்டர் கேன் போடுபவன்

வீட்டு வாசலில் இறக்கி விட்டுப் போவான்

யார் தந்த தண்ணீரையோ

*****