மிகவும் நேசிக்கப்பட வேண்டிய நூற்றாண்டு

மிகவும் நேசிக்கப்பட வேண்டிய நூற்றாண்டு

இந்த நூற்றாண்டை மிகவும் நேசிக்கிறேன்

காடுகளைத் தின்று விட்டார்கள்

மலைகளை நொறுக்குத் தீனியாக்கி விட்டார்கள்

கடலை குடித்து விட்டார்கள்

பிரியாணிக்காக பிள்ளைகளைக் கொல்லும்

பெண் பிறந்திருக்கிறாள்

குழந்தைகளை மோகித்துக் கொல்லும்

ஆண் பிறந்திருக்கிறான்

காசுக்கு உறுப்புகளை விற்க முடிகிறது

மலட்டு விதையில் முளை தெரிகிறது

சுற்றுவதைப் பொழுதுபோக்கெனச் செய்கிறது பூமி

நாம்தான் நிறைய கவலைப்படுகிறோம்

இந்த நூற்றாண்டை ரசிக்கத் தெரியாமல்

ஆகவே

இந்த நூற்றாண்டை மிகவும் நேசிப்பதாகுக

*****