வழக்குகளை அவசரப்படுத்த முடியாது

வழக்குகளை அவசரப்படுத்த முடியாது

எப்போது தங்கையின் திருமணம்

அவள் திருமணம் முடிந்து விட்டது

முடிந்ததன் அடையாளமாகத் தூக்கு மாட்டிக் கொண்டாள்

அறைக் கதவை உடைத்துக் காப்பாற்றியவன்

வாகன விபத்தில் மண்டை பிளந்து காலியானான்

பிழைத்துக் கொண்டதற்கு அடையாளமாக

ஜீவனாம்ச வழக்குக்காக அலைந்து கொண்டிருக்கிறாள் தங்கை

ஐம்பது பவுனும் பத்து லட்சம் சீர்வரிசைகளை

வரதட்சணையாக லபக்கியவன்

மாதம் 5000 ஜீவனாம்சம் கொடுப்பதற்கு யோசித்து

மேல் முறையீட்டில் நிற்கிறான்

இப்போதும் தங்கைக்கு எப்போது கல்யாணம் என்கிறார்கள்

கல்யாண பார்ட்டிக்கு அவ்வளவு என்ன அவசரம்

வழக்குகள் தொடர்ந்து கொண்டிருக்கின்றன

வழக்குகளை அவசரப்படுத்த முடியாது

*****