கணத்தின் துணிச்சல்

 கணத்தின் துணிச்சல்

எதை நேருக்கு நேர்

எதிர்கொள்ள முடியவில்லையோ

அதில் வெற்றி பெற முடிவது எப்படி

எதையும் நேருக்கு நேர்

எதிர்கொண்டு அறியாதவர்கள்

நியாயமானப் போராட்டத்தை

சமூக விரோதம் என்பார்கள்

தீர்ப்பைப் பெற்ற பிறகும்

பேச்சு வார்த்தை நடத்த வேண்டும் என்பார்கள்

தம் நாடகத்தை வேற்று நிலத்தில் நிகழ்த்துவதற்காக

‍சொந்த நிலத்தில் நாடகமாடுவார்கள்

மகுடங்களை யாரும் யாருக்கும்

சூட்டி விட முடியாது

சூடிக் கொள்பவர்கள் எடுத்து

சூட்டிக் கொள்வார்கள்

அந்தக் கணத்தின் துணிச்சலை

யார் யாருக்கும் கற்றுத் தர முடிகிறது

*****

 

தணிதல்

இரு சக்கர வாகனத்தின்

இருபுறமும் இளநீர்க் குலைகளாக

தான் கொணர்ந்த

ப்ளாஸ்டிக் பாட்டிலில்

தாகம் தணித்துக் கொள்கிறார்

வியாபாரி

*****