காதலிப்பதை நிறுத்துவது வசதியாக இருக்கிறது

காதலிப்பதை நிறுத்துவது வசதியாக இருக்கிறது

ஆண்கள் ஜீன்ஸ் பேண்டைப் போன்றவர்கள்

அடித்துத் துவைத்துக் காயப் போடலாம்

பெண்கள் பட்டுச் சேலையைப் போன்றவர்கள்

துவைப்பதில் நாசுக்கு வேண்டும்

ஆண்கள் ஜீன்ஸைத் துவைப்பதில்லை

பெண்கள் பட்டுச் சேலையை

அடிக்கடி சலவைக்குப் போடுகிறார்கள்

துவக்கத்தில் பெண்களுக்கு

ஆண்களின் ஜீன்ஸ் மேல் காதல் இருந்தது

நாற்றமடிக்கத் துவங்கிய போது அருவருக்கத் தொடங்கினார்கள்

ஆண்களுக்கு பெண்களின் பட்டுச் சேலை மேல்

இனம் புரியாத கவர்ச்சி இருந்தது

அடிக்கடி சலவைக்குப் போகும்

அதன் அதி தூய்மையை வெறுக்கத் தொடங்கினார்கள்

பிரச்சனைக்குத் தீர்வாக

ஆண்கள் வாரத்துக்கு ஒரு முறை ஜீன்ஸைத் துவைக்கலாம்

பெண்கள் வாரத்துக்கு ஒரு முறை பட்டுச் சேலை அணியலாம்

துரதிர்ஷ்டவசமாக ஆண்களுக்கும் பெண்களுக்கும்

அது பிடிக்காமல் போகவே

கல்யாணத்திற்குப் பிறகு தாங்கள்

காதலிப்பதை நிறுத்தி விட்டதாக கூறிச் சென்றார்கள்

*****