இடம் பொருள் ஏவல் மழை

 இடம் பொருள் ஏவல் மழை

பிடித்தாலும் பிடிக்காவிட்டாலும்

எல்லார் மேலும் பெய்யும் மழை

பிடிக்காவிட்டால் குடை பிடித்துக் கொள்

குடையை மறந்து விட்டால் ஒதுங்கும் இடம் நினைவு கொள்

பிடித்தால் மழையில் நனைந்து போ

ஜலதோஷம் பிடிக்கும் என்றால் மழை ஆடையோடு நனையாமல் போ

ரொம்ப கோபிக்காதே

சாக்கடையில் விழும் மழைத்துளி உன் மேல் விழுந்தால் என்ன

இன்னும் கொஞ்ச நேரத்தில்

வெள்ளமாய் வந்து அடித்துச் செல்லும் பார்

ஏரிக் கரையை உடைத்து விடுவதற்கு முன்

மழையில் நனைந்திருக்கலாம் வீடு போயாவது சேர்ந்திருப்பாய்

இப்போது பார் போகும் இடம் வேறாகி விட்டது

*****