ஒன்றும் செய்யாமல் இருப்பது

ஒன்றும் செய்யாமல் இருப்பது

நீங்கள் அப்படித்தான் இருக்கிறீர்கள் என்றால்

கோபத்தை எப்படி உள்வாங்குவீர்கள்

நீங்கள் அப்படித்தான் இருக்கிறீர்கள் என்றால்

கவலையை எப்படி உள்வாங்குவீர்கள்

நீங்கள் அப்படித்தான் இருக்கிறீர்கள் என்றால்

விரக்தியை எப்படி உள்வாங்குவீர்கள்

நீங்கள் அப்படி இல்லை

அப்படி இருப்பதை விடவும்

கோபப்பட விரும்புகிறீர்கள்

கவலைப்பட விரும்புகிறீர்கள்

விரக்தி கொள்ள விரும்புகிறீர்கள்

உங்கள் விருப்பம் இல்லாமல்

இன்னொன்றாக ஆக முடியாது

அப்படி இருப்பதினும் இன்னொன்றாக இருப்பதில்

அனுகூலம் இருப்பதாகக் கருதுகிறீர்கள்

அனுகூலும் இல்லை என்று தெரியும் போது

கோபப்பட்டிருக்கக் கூடாது என்கிறீர்கள்

கவலைபட்டிருக்கக் கூடாது என்கிறீர்கள்

விரக்தி கொண்டிருக்கக் கூடாது என்கிறீர்கள்

ஒன்று புரிந்து கொள்ளுங்கள்

இதைப் பொருத்த வரையில்

நீங்கள் செய்ய வேண்டியதெல்லாம்

ஒன்றும் செய்யாமல் இருப்பதுதான்

ஏன் நீங்கள் உங்கள் கோபத்தை கவலையை விரக்தியை

ஏற்றுக் கொள்ளக் கூடாது

ஏற்றுக் கொள்வதன் மூலம்

ஒன்றுமில்லாமல் போகக் கூடியவைகள் அவைகள்

வெப்பத்தை இழுக்கும் பனிக்கட்டி கரையத்தான் செய்கிறது

*****