அப்பட்டமான பாசாங்கு

அப்பட்டமான பாசாங்கு

நீங்கள் வருத்தப்படுவது உண்மையானது

அதை மறைத்துக் கொள்வதல்ல

கோபப்படுவது உண்மையானது

அதை இல்லையென்று சொல்வதல்ல

வெறி கொண்டு அலைவதும் உண்மையானது

அதை அமைதியாக்குவது என்ற பெயரில் அம்முவதல்ல

ஏமாற்றத்தை உணர்வது உண்மையானது

அதை நிறைவாக உணர்வதல்ல

நீங்கள் அதற்காகத்தானே

செல்போனை உடைக்கிறீர்கள்

தொலைக்காட்சிப் பெட்டியும்

கணிப்பொறியும் அதனால்தானே கண்டமாகின்றன

சில நேரங்களில் கொலையும் செய்கிறீர்கள்

உங்களின் கோபம் விரக்தி ஏமாற்றம் போல

எதிராளியினுடையதையும் ஏற்றுக் கொள்ளுங்கள்

ஆசிர்வதிப்பதாகச் சொல்வதெல்லாம்

அப்பட்டமானப் பாசாங்கு

*****