விவாதத்தைச் சீரணித்தல்

 சரக்கு உனக்கு நண்பா

நல்ல வேளை

தூங்கி எழுந்த பின்

நினைவுக்கு வருகிறது

தூக்க மாத்திரைப் போட மறந்தது

அதிர்ஷ்டக்காரன்தான்

கல்யாணம் முடிந்ததற்குப் பின் வருகிறது

காதலியின் திருமணப் பத்திரிகை

கட்டம் பரவாயில்லை

போதை ஏற்றாத மினரல் வாட்டருக்கே

மட்டையாவது

சரக்கை நீ குடித்து விடு நண்பா

*****

விவாதத்தைச் சீரணித்தல்

உன் டிபன் பாக்ஸை எடுத்துத் தின்றது

என் தப்பு என்கிறாய்

என் டிபன் பாக்ஸை எடுத்துத் தின்னாது

உன் தப்பு என்கிறேன்

போதும்

தயவுசெய்து வாக்குவாதத்தை நிறுத்து

தவறு நிகழ்ந்தது நிகழ்ந்து விட்டது

இப்போதாவது என் டிபன் பாக்ஸை

என்னைத் தின்ன விடு

*****