உலகின் ஒரே மொழி

 உலகின் ஒரே மொழி

வாழ்க்கையைப் பற்றி எழுது என்கிறார்கள்

எழுத எழுத எழுத்துகள் கோணலாகப் போவதால்

என்ன எழுதுவது என்பது பிடிபடவில்லை

தட்டச்சு செய்வது கொஞ்சம் பரவாயில்லை

இப்போது எழுதத் துவங்கலாம்

புரிகிறதா பாருங்கள்

"யளனக தமட ணுறநச லர‍டிஎ

ணஉஎ இனயனந சநறணு டடிலைல ..."

என்று இப்படிப் போகிறது

புரிந்ததா புரிந்ததென்றால் நீங்கள் பாக்கியசாலி

புரியாவிட்டால் விட்டு விடுங்கள்

எல்லா மொழிகளையும் கற்றுக் கொண்டு இருக்க முடியாது

எதற்கும் எச்சரிக்கையாக இருங்கள்

ஒரு சர்வாதிகாரி உருவானால்

உலகின் கட்டாய மொழியாக அது ஆகும்

*****