நம் பெயர்

 

நம் பெயர்

அவரவர் செய்திருக்கும்

அலங்காரங்களை

பொதுமைபடுத்தி அணியும்

ஒரு பைத்தியகாரர்

நகரத்தில் இருக்கிறார்

அவரைப் பார்த்துச் சிரிக்கிறோம்

அவர் நம்மைப் பார்த்துச் சிரிக்கிறார்

அவ்வபோது அவரவர் வெளிப்படுத்தும்

அவைகளை

ஒட்டுமொத்தமாய் வெளிப்படுத்தும்

அவருக்கு அப்பெயர் எனில்

தப்பித்துக் கொண்டதால்

பெயர் மாற்றிக் கொள்ள விரும்பாத

பச்சோந்தி நம் பெயர்

*****