எவருடையதும் எதுவுமில்லை

 
எவருடையதும் எதுவுமில்லை

எவருடையது எது

இங்கிருந்து பெறப்பட்ட எதுவோ

அதிலிருந்து அர்த்தம் உருவானது

எவருடையது எதுவுமில்லை

தம்முடையதாக ஆக்க வேண்டும்

என்று முயன்ற போது

ஆசை உருவானது

ஆத்திரம் உருவானது

பொறாமைகள், மோதல்கள் உருவாயின

எதுவும் எவருடையதுமில்லை என்பதை

ஏற்க மறுத்தவர்கள்

ஆசை தம்முடையதென்றார்கள்

ஆத்திரம் அவசியம் என்றார்கள்

பொறாமைகள் தவிர்க்க முடியாது என்றார்கள்

மோதல்கள் இயற்கை என்றார்கள்

எவருடையது எது

தம் ஆசை

தம் ஆத்திரம்

பொறாமை

மோதல்கள் அன்றி

எவருடையதும் எதுவுமில்லை

*****