குற்றம் சாட்டல்

குற்றம் சாட்டல்

அது உம் பதில்

அதுதான் நீ

உம் கேள்வியால் செய்ய முயன்றதெல்லாம்

உம் பதிலைத் திணிக்க முயன்றதுதான்

அக்கொடூரமானப் பதிலைத் தாங்கும்

மனமில்லை என்பது அறிந்தும்

திணிக்க முயன்றாய்

செரிக்க முடியாத பதிலை

கோபமாய்க் கொப்புளித்தேன்

அப்படித்தான் நிகழும் என்பது அறிந்து

கோபத்திலிருந்து குற்றப் பத்திரிகை வாசித்தாய்

எல்லாவற்றுக்கும் காரணமான

பதிலைத் திணிக்க முயன்ற கேள்வியை

நீயே வைத்திருக்கலாம்

வன்முறையை விதைக்கப் பிறந்த நீ

என்னதான் செய்வாய்

எதை நிகழ்த்த வேண்டுமோ

அதை நிகழ்த்தி விட்டு

நியாயவாதியென நிற்கிறாய்

எம்மைக் குற்றம் சாட்டியபடி

*****