எங்குமற்ற நீதி

எங்குமற்ற நீதி

காரணமற்றுக் கசியும் கோபம்

எங்கிருந்தோ வரும் எரிச்சல்

மூன்றாம் காலத்தில் பாடும் ஓசை

இசையதிர்வுகளின் வேகம்

மன நெருக்கடிகளின் நெரிசல்

எதை மறுப்பது

அடிமைகளின் கைப்பாவை எத்திசை ஆடும்

சாந்தம் நொறுங்குகிறது

மென்மை பொடிப் பொடியாகிறது

விளைவுகள் பொருட்டல்ல

அதற்கும் மேல் என்றால்

சிக்கல் சிக்கிக் கொள்ளும்

பிரச்சனை அதுவா இதுவா எதுவோ

எதை முறையாகச் சொல்லிக் கொடுக்கும் வாழ்க்கை

புரியாதது தெரியாமலே அடிக்கடி

பாடங்கள் நடந்து கொண்டிருக்கின்றன

கடுப்பேற்றுகிறார்கள் கனவான்களே

எடையிட எங்கிருக்கிறது நீதித் தராசு

*****