இயந்திர மனிதர்கள் இயங்க ஆரம்பித்து விட்டார்கள்

இயந்திர மனிதர்கள் இயங்க ஆரம்பித்து விட்டார்கள்

முதல் அம்பு பாய்ந்த போது

முதல் வாள் வீச்சு விழுந்த போது

முதல் அரிவாள் வெட்டிய போது

முதல் துப்பாக்கி சுட்ட போது

வில்லும் அம்பும் இயந்திரம்

வாளும் அரிவாளும் இயந்திரம்

துப்பாக்கியும் ஓர் இயந்திரம்

அடுத்தடுத்த அம்புகள் பாய்ந்த போது

எய்தவர் இயந்திரமானார்

அடுத்தடுத்த வாள் வீச்சுகள் நிகழ்ந்த போது

வீசியவர் இயந்திரமானார்

அடுத்தடுத்த அரிவாள் வெட்டுகள் விழுந்த போது

வெட்டியவர் இயந்திரமானார்

அடுத்தடுத்த குண்டுகள் பாய்ந்த போது

சுடுபவர் இயந்திரமானார்

முதல் பொத்தான் அழுத்தி

அணுகுண்டு வெடித்த போது

பொத்தான் ஓர் இயந்திரம்

அடுத்தடுத்த அணுகுண்டுகள் வெடிக்கும் போது

பொத்தானை அமுக்குபவர் இயந்திரமாவார்

*****