சிந்தும் பேரன்பு

 

சிந்தும் பேரன்பு

கற்கண்டை முன் இழுக்கும்

எறும்புக்குத் தெரியும்

பின் தள்ளும் எறும்பின் பேரன்பு

பின் தள்ளும் எறும்புக்குத் தெரியும்

அதைச் சிந்தி விட்டுப் போன

சிறு குழந்தையின் பேரன்பு

சிந்தாமல் சாப்பிடுவதில் நிறைந்திருக்கும்

பேரொழுக்கத்திற்குக் குறைந்திடாது

சிந்திச் சாப்பிடும் குழந்தைகளின் பேரன்பு

*****

ஜென் இசட்

ஏ பார் ஆப்பிள்

சொல்லிக் கொடுத்தது

ஆப்பிள் டேப்லட்

*****

பத்தாவது பொருத்தம்

பழுதானச் சாலையில்

பழுதாகாத

வேகத் தடைகள்

*****