செத்து விட்ட நாவல்

 

செத்து விட்ட நாவல்

எனது நாவலில்

கிளைமேக்ஸ் செத்து விட்டது

நடுவில் சில பக்கங்கள்

அச்சுக்கு வரவில்லை

பாத்திரங்கள் காணாமல் போனப் புகார்

விசாரிக்கப்படாமல் இருக்கிறது

ஆட்கொணர்வு மனுவோடு சென்ற

வாசகர்கள் தனிமைச் சிறையில்

இருப்பதாகக் கேள்வி

முன் அட்டையில் ஒரு நாராசப் படம்

பின் அட்டையில்

உங்கள் நூல் விமர்சனத்துக்கானக் காலியிடம்

சில ஆயிரம் மரங்களைச் சாகடித்து

இந்நாவல் அச்சடிக்கப்படத்தான் வேண்டுமா

சில கண்கள் பார்ப்பதற்காக

பல லிட்டர் அச்சுமை ஊற்றப்படத்தான் வேண்டுமா

ஒரு புள்ளியில் தொடங்கி ஒரு புள்ளியில் முடியும்

வாழ்க்கைச் சுற்றுக்கு நாவல் என்று பெயர்

அவரவர் வாழ்க்கைக்கு அவரவர் படித்துக் கொள்ள

அவரவர்க்கு ஏற்ப ஒரு நாவல் உண்டு

எழுதுவதும் தயங்குவதும் இருவேறு நாவல்

*****