விண்மீன் வளர்ப்பு

 

விண்மீன் வளர்ப்பு

சிறுதொட்டி வைத்து

வண்ண மீன்கள் சில வளர்க்க

யாருக்குப் பிடிக்கும்

பெருந்தொட்டியை விட பெரிது

அந்திக் கருத்தால்

நீரூற்ற தேவையில்லாமல்

உணவென ஏதும் போடும் அவசியம் இல்லாமல்

இரவு வானத் தொட்டியில்

துள்ளிக் குதிக்கும்

விண்மீன்கள் போதும்

*****

இன்னும் கொஞ்சம் தொடரும்

இன்னும் சில நூல்கள்

இன்னும் சில வரிகள்

இன்னும் சில சொற்கள்

இன்னும் சில எழுத்துகள்

தூக்கம் வருகிறது

பிறகு பார்த்துக் கொள்ளலாம்

கனவில் பல நூல்கள் வரிகள் சொற்கள் எழுத்துகள்

வாசிப்பை நிறுத்த முடியாதவர்கள்

உறக்கத்திலும் அதையே செய்து கொண்டிருப்பார்கள்

*****