தலைவர் தியானிக்கிறார்

தலைவர் தியானிக்கிறார்

எங்கள் தலைவர் எப்போது விழிப்பார்

தியானத்தில் இருக்கும் அவரை

எழுப்பி விட மனமில்லாமல்

போராடிக் கொண்டு இருப்பவர்கள்

மோன நிலைக்குச் சென்று கொண்டு இருக்கிறார்கள்

தாகத்தால் நாக்கு வறண்டவர்கள்

மயங்கி விழுந்து கொண்டிருக்கிறார்கள்

பசியால் கெண்டை பிரண்டவர்கள்

மூச்சின் கடைசிக் காற்றை

இழுத்துப் பிடிக்க முடியாமல்

மரணித்துக் கொண்டு இருக்கிறார்கள்

எங்கள் தேசம் பாலைவனமானப் பிறகு

எங்கள் தலைவர் தியானத்திலிருந்து விழிப்பார்

எங்கள் பூமி மயானப் பூமி ஆனப் பிறகு

எங்கள் தலைவர் விழிப்புணர்வு பெறுவார்

எங்கள் கல்லறைகள் மீது அமர்ந்து

எங்கள் தலைவர் மீண்டும் தியானத்தைத் தொடர்வார்

*****