தொடங்கிய இடத்திலேயே ஓடும் நதி

தொடங்கிய இடத்திலேயே ஓடும் நதி

பயம்

பெரு வீட்டைக் கட்டச் செய்கிறது

பெரு வேலியிடச் செய்கிறது

பெரும் பூட்டு போடச் செய்கிறது

எவரையும் நெருங்க விடாமல் செய்கிறது

பணத்தைக் குவிக்கச் செய்கிறது

பெட்டியிலிடச் செய்கிறது

பெரும் பூட்டு போடச் செய்கிறது

எவருக்கும் உபயோகம் இல்லாமல் செய்கிறது

பயத்தைத் திறந்து விடு

உனக்குரியது உலகுக்கு உரியதாகி விடும்

நீயும் உலகுக்கு உரியவனாகி விடுவாய்

உன் பயம்

உன்னிடம் இருக்கும் வரையில்

உனக்குரியவனாகவே இருப்பாய்

தொடங்கிய இடத்திலேயே

ஓடிக் கொண்டிருக்கும் நதியைப் போல

*****