வழி திரும்புதல்

உனக்குப் பிடித்தால்

எடுத்துச் செல்

கொஞ்சம் பிரியத்தின் அப்பத்தை

துரோகத்தின் ருசியை சுவைத்த பின்

காசுகளின் ஓசை இசையாக இருக்கும்

குருதியின் சிவப்பு உவப்பாக இருக்கும்

கொள்ளையிடுதலின் குதூகலம் குருகுலமாக இருக்கும்

எளிய அன்பின் முன் மண்டியிட்ட

நாட்களின் நெகிழ்வு இனி திரும்பாது

பரிவில் உருகி வழியும் கண்ணீர் இனி வராது

தீப்பட்டு எரியும் இலை

மரத்தையும் எரிக்கும்

மரணத்தின் முன் மண்டியிடுவதற்கு

மன்னிப்பின் காலடிகளில் வீழ்ந்து கிடக்கலாம்

*****