கண்டுபிடிப்பார்கள்

இரு சக்கர வாகனத்தில் செல்பவருக்கு

தலைக்கவசத்தை

மகிழ்வுந்தில் செல்பவருக்கு

பாதுகாப்பு வாரை

கப்பலில் செல்பவருக்கு

உயிர் காக்கும் படகுகளை

விமானத்தில் செல்பவருக்கு

பாராசூட்டைக்

கண்டுபிடித்தவர்கள்

கண்டம் விட்டுக் கண்டம் தாவும்

ஏவுகணைக்கும்

பொத்தானை அழுத்தினால் வெடிக்கும்

அணுகுண்டுக்கும்

தானாகச் சென்று தாக்கி விட்டு வரும்

தானியங்கி விமானங்களுக்கும்

ஏதேனும் கண்டுபிடிப்பார்கள்

கலங்காதே கண்ணே

உமக்குக் கண்ணாடி கண்டுபிடித்தவர்கள்

அவர்கள் அன்றோ

*****