கால மிருகம்

இந்த உலகில் ரத்தம் காயம்

துண்டிப்பு இழப்பு தனிமை என

சில துயர்களை நீங்கள் நிறுவியிருக்கலாம்

உலகம் அன்புக்காக ஏங்குகிறது

நீங்கள் பீடீங் பாட்டிலைப் பிடுங்கி

எரிபொருளை நிரப்பித் தரலாம்

எரிபொருள் நிரம்பியதில்

உலகம் வேகமாகச் சுழலாம்

கைகளில் வைத்திருந்த கிலுகிலுப்பைக்கு

ஆயுதங்களை நீங்கள் பரிமாற்றியிருக்கலாம்

ஏதோ ஒரு குண்டின் குறி

உங்கள் தலைக்கும் வைக்கப்பட்டு இருக்கலாம்

எதுவும் வியாபரம் ஆகிறது என்பதற்காக

காசைத் தின்ன முடியாது

ஊட்டி விட அன்பான கைகள் வேண்டியிருக்கும்

அரவணைக்கும் கைகள் தட்டி விடாத வரை

ஒரு நொடி இருப்பின் சுமை

உங்களுக்குப் புரியப் போவதில்லை

காலம் மோசமான சுமையைத்

தலையில் வைக்கும் மிருகம்

*****