ஒரு மாணவர் பள்ளி

ஆயிரத்து தொள்ளாயிரத்து தொண்ணூறுகளில்

இரண்டாயிரத்துக்கும் மேல் இருந்தோம்

அறுபது ஆசிரியர் பள்ளி அது

இரண்டாயிரங்களில்

ஆயிரத்துக்குக் கீழ் வந்தோம்

முப்பது ஆசிரியர் பள்ளி அது

இரண்டாயிரத்துப் பத்துகளில்

ஐநூறுக்குக் கீழ் வந்தோம்

பதினைந்து ஆசிரியர் பள்ளி அது

இரண்டாயிரத்துப் பதினைந்துகளில்

இருநூறுக்கும் கீழ் வந்தோம்

ஆறு ஆசிரியர் பள்ளி அது

இரண்டாயிரத்துப் பதினேழுகளில்

இருபதுக்கும் கீழ் வந்தோம்

ஓராசிரியர் பள்ளி அது

இரண்டாயிரத்து இருபதுகளில்

அதற்கும் கீழ் வர முடியாது என்பதால்

ஒரு மாணவர் பள்ளி அது

பூஜ்ய ஆசிரியர் பள்ளி அது

*****