பந்தயத்துப் பணயக் காய்கள்

பந்தயத்துப் பணயக் காய்கள்

தோற்கடித்துத் தோற்கடித்துச் செல்கிறது

முந்திச் செல்லும் வாகனங்கள்

ஒவ்வொரு வாகனத்திலும்

வேகத்துக்கான ஒரு கோடிச் சக்கரங்கள்

பறக்கும் இயந்திரப் பறவைகள்

மோதிக் கொள்வது விபத்தாகப் பார்க்கப்படுகிறது

கருநிற தார்ச்சாலை சிவப்பு நிறமாகப் படரும் போது

பரவசம் கொண்ட உடலுக்கும்

பரவசமற்ற உயிருக்கும் இடையிலோன

ரகசியத்தை நீங்கள் உணருவீர்கள்

ஒரு ஐந்து நிமிடத்தால் குடி முழுகி விடாது

என்று சொல்லிக் கொண்டே

ஐந்து நிமிடத்தை மிச்சப்படுத்தும்

உள்ளுறைந்த இலட்சியத்தையும்

காசுக்காய் உருட்டி மிரட்டப்படும்

பந்தயத்தின் பணயக் காய்களாய்த்

தாங்கள் இருப்பதையும்

யாரும் அறிய மாட்டார்கள்

*****