ஆடுகளின் வானம்

ஆடுகளின் வானம்

உயிர் பிரிந்துப் போன

வெள்ளாட்டுக் குட்டி

வெள்ளை நிறத்தை வானம் முழுவதும்

தூவி விட்டிருக்கிறது

கிடாச்சோறுக்குப் போதாது எனப் பலியான

கறுப்பு ஆட்டுக்குட்டியின்

கருப்பு நிறம்

மேகங்களாய் அலைந்து கலைகிறது

அய்யானருக்குக் கொடை கொடுத்த

கிடாக்களின் இரத்தச் சிவப்பு

அந்தி வானமாய்ச் சிதறுகிறது

சரிதான்

செத்துப் போன ஆடுகளை

வானம் பிடித்து வைத்துக் கொள்கிறது

கொன்றால் பாவம் தின்றால் போச்சு

கொல்லும் பாவம் வானுக்குப் போச்சு

*****