வார்த்தைகள் வன்முறை செய்யும்

வார்த்தைகள் வன்முறை செய்யும்

சொற்கள் வழியே பாயும் சுயநலம்

வார்த்தைகள் வழியே வழிய விடும் வன்மம்

அடித்துத் துவைத்துப் போடும் அதிகார மிரட்டல்கள்

உச்சாப் போக வைக்கும் பயமுறுத்தும் உறுமல்கள்

மொழிக்கும் பாகுபாடு உண்டு

விளிம்புநிலை அதிகாரம் பேசாது

அதிகாரம் பணிவு பேசாது

மகளிரை வார்த்தைப் புணர்ச்சி செய்யும்

குழந்தைகளின் காதில் துப்பாக்கிக் கீதம் பாடும்

சவடால் மொழிகளை சவால் மொழிகளாய்

ஏமாந்த எங்களுக்காக

மொழி ஒருமுறை மன்னிப்புக் கேட்கட்டும்

வன்மொழிகளைப் பேசியவர்கள்

வன்மையாக ஆசிர்வதிக்கப்படுவார்களாக

ஏனென்று கேட்காதே

இன்று தண்டிப்பவர்கள்

நாளை தண்டிக்கப்படுவார்கள்

தவறாகப் பொருள் கொள்ளாதே

தண்டிக்கப்பட்டது அறிந்தவர்கள்

தண்டிக்க வருவார்கள்

*****