கல் வீச்சு

ஒன்று என்று எழுதப்பட்டக் கல்லை

எதிரி மீது வீசுங்கள்

இரண்டு என்று எழுதப்பட்டக் கல்லை

சுற்றியிருப்பவர்கள் மீது வீசுங்கள்

மூன்று என்று எழுதப்பட்டக் கல்லை

உறவினர்கள் மீது வீசுங்கள்

நான்கு என்று எழுதப்பட்டக் கல்லை

நண்பர்கள் மீது வீசுங்கள்

ஐந்து என்று எழுதப்பட்டக் கல்லை

உங்களை கை தூக்கி விட்டவர்கள் மீது வீசுங்கள்

ஆறு என்று எழுதப்பட்டக் கல்லை

உங்களை ஆழமாக நேசித்தவர்கள் மீது வீசுங்கள்

ஏழு என்று எழுதப்பட்டக் கல்லை

உங்களை மரணத்திலிருந்து காப்பாற்றியவர் மீது வீசுங்கள்

எண்கள் எழுதப்பட்டக் கற்கள்

ஒவ்வொன்றையும் வீசுங்கள் வீசுங்கள்

வீசிக் கொண்டே இருங்கள்

கடைசி எண் எழுதப்பட்டக் கல்லை

கண்டபடி கல்லெறிந்ததற்காக

உங்கள் மீதே வீசுங்கள்

*****