Sound of the Nights

இரவின் கனைப்பொலிகள்

இரவின் குதிரையில்

விழிப்பாகப் பயணம் செய்ய வேண்டியிருக்கிறது

குதிரை மேல் உறங்கிய நெப்போலியன்

தூக்கத்தை அவுட்சோர்சிங் செய்த

முதல் ஐ.டி.காரன்

இரவுக்குதிரை மூன்று வேளைச்  இரவுச் சாப்பாடு

வேண்டாம் என்றுச் சொல்லி

நின்று கொண்டே தூங்கும்

பகல் நேரத் தூக்கம் வேண்டும் எனப் புலம்பும்

குளம்படி ஓசைகள் இதயத்தில் கேட்கும் போது

ஹார்மோன்கள் தறிகெட்டு ஓடியிருக்கும்

சேணத்தைப் பிடிக்கும் போது

முரண்டு பிடிக்கும் குதிரை

தன் நிழலைக் கண்டே பயப்படும்

வீட்டுக்கு அருகே இருக்கும்

மனநோயாளி லாயத்தில் கட்டப்பட்டிருக்கும்

நிறைய குதிரைகளின் கனைப்பொலிகள்

*****