Point of Satire - A Typical Mind Set

            "என்ன தலைவரே! நறுக் நறுக்னு எழுதுறதை விட்டுட்டீங்களே!" என்றார் நம் பிளாக்கைப் படிக்கும்(!) அன்பர் அல்லது வாசகர் அல்லது படிப்பாளர் ஒருவர். இப்படி ஒரு அன்பர்/வாசகர்/படிப்பாளரே கேட்ட பிறகு எழுதாமல் இருக்க முடியுமா?

            இப்போதைக்குக் கொஞ்சம் எழுதித் தள்ளியிருக்கிறேன்.

.....

கடன் வாங்கலாம் என்று வெளியில் கிளம்பினால், "சார்! லோன் வேணுமா?" என்று பேங்கிலிருந்து கால் பண்ணிக் கேட்கிறார்கள்!

*****

அரசியல் அயோக்கியர்களின் கடைசிப் புகலிடம் என்கிறார்கள். அரசியலும் கைவிட்டு விட்டால் பாவம் அவர்கள் எங்குதான் போவார்கள்?

*****

வாசிப்புப் பழக்கம் குறைந்து விட்டது என்று சொன்னால்... பேஸ்புக்கில் வாசிப்பவர்கள் நிறைய பேர் இருக்கிறார்கள் என்கிறார்கள். சர்தான்! படிக்காமல் லைக்ஸ் போடுபவர்களைப் பற்றி என்ன சொல்ல?!

*****

கடையோரமாக வாகனங்களை நிறுத்தி பொதுமக்களுக்கு இடைஞ்சல் பண்ணாதீர்கள் என்கிறார்கள். வாகனத்தை நிறுத்தும் நான் மட்டும் என்ன அயல் மக்களா? நானும்தான்யா பொதுமக்கள். வாகனங்களை நிறுத்துவதற்கு ஏற்ற மாதிரி கடையைக் கட்டச் சொல்லுங்கப்பா!

*****

என்ன தீர்க்கதரிசனமா இந்தக் காலத்துக் குழந்தைகளைப் பற்றி எழுதியிருக்காங்க ரெளடி பேபின்னு. அட்டகாசம் தாங்க முடியல சாமி! செல்போனைக் கொடுக்கலைன்னா உம் மூஞ்சுல எங் பீச்சாங்கைய வைக்கன்னு ன்னா அசால்ட்டா சொல்லுதுங்கோ!

*****