மழைக் கவிதை

மழையைக் கேட்டாள் மகள்

மேகத்தைப் பார்த்த போது

பஞ்சு மிட்டாய்க் கேட்டாள் மகள்

அதுவே ஐஸ் கட்டிகளைப் பொழிந்த போது

ஐஸ் கிரீம் கேட்டாள்

நீராகிப் பொழிந்த போது

தண்ணீர் பாக்கெட் கேட்டாள்

வெள்ளமென ஓடிய போது

காகிதத்தில் கப்பல் ஒன்றும்

தப்பித்துச் செல்ல படகு ஒன்றும் கேட்டாள்

நிவாரண முகாமில் அடைபட்டிருந்த போது

‍சோற்றோடு கொஞ்சம்

செல்ல முத்தம் கேட்டாள் மகள்

ஆம் மீண்டும் மழையைக் கேட்டாள் மகள்

*****