தீ தின்ற மிச்சம்

தீ தின்ற மிச்சம்

ஒரு பொறி பற்றி விட்டால்

காடு காலியாகி விடும் என்பது

பிரதானமாக நிற்கும் மரத்துக்குத் தெரியும்

முதலில் நிற்கும் மரங்கள் எல்லாம்

பொறியை அணைப்பதில் கவனமாக இருக்கும்

வட்டார மாவட்ட மற்றும் வார்டு மரங்கள்

வேறு காட்டுக்குச் சென்று விடும்

தீ தின்ற மிச்சத்தை

சாம்பலின் நாக்குகள் நீட்டும்

எடுத்து திருநீறாக இட்டுக் கொள்ளலாம்

அஸ்தியாய்க் கரைக்கலாம்

செத்த பின் புதைப்பதும் எரிப்பதும்

வரலாற்றுக்கு இரண்டும் ஒன்றுதான்

*****