சொல்புதிது கவிதைகள்

மழைப் பிரசங்கம்

அவ்சாரி என்று அவசரப்படாதீர்கள்

விபச்சாரி என்று விபத்துக்குள்ளாக்காதீர்கள்

அவ்சாரி ஆக்கிய ஆண்மகனுக்கான

வார்த்தைகள் கூட இல்லாதவர்கள் நீங்கள்

விபச்சாரியிடம் வந்து சென்றவனுக்கான

சொல்லைக் கூட உருவாக்காதவர்கள் நீங்கள்

விழுந்த இடம் தவறானால்

மழைத்துளி என்ன செய்யும்

சுத்தமாக்கும் நீரை

சுத்தப்படுத்துகிறேன் என்று சொல்லி

அசுத்தமாக்குபவர்கள்

மக்குத்தனத்தை உடைப்பில் போட்டு

மடத்தனத்தைப் புரிந்து கொள்ளுங்கள்

அசுத்தமாக்குபவர்கள் அகன்று போனால்

சுத்தமாக்குபவர்கள் தேவையில்லை

எல்லா நீர்த்துளியும் மேகமாகும் போது

சாக்கடையில் விழுந்த துளியும் தூய்மையாகும்

எல்லா மனிதர்களும் நல்லவரானால்

யாரும் கெட்டவராக ஆவதில்லை

*****