காலச் சூத்திரம்

காலச் சூத்திரம்

சூத்திரம் ஒன்று இருக்கிறதோ

எதிர்காலத்தில் பிடிபடும் அதை

நிகழ்காலத்தில் ஒப்படைப்பது எப்படி

கடந்தக் காலச் சூத்திரங்கள்

நிகழ்காலத்தின் காயலான் கடைகளில்

நிகழ்காலத்தை எதிர்காலம் நோக்கி நகர்த்துவதோ

எதிர்காலத்தை நிகழ்காலம் ஆக்குவதோ

கால மாற்றம் இன்றி

காலத்தை ஒன்றாக்கி நிறுத்துவதோ

சூத்திரம் ஒன்றுதான்

இந்த நொடியில் நில்

சூத்திரம் தேடி அலைபவன் நீதான்

நகரும் நீதான் நிற்க வேண்டும்

முன் பின் நகர்வது காலமன்று நீதான்

*****